الطعمية أو كما يسميها البعض الفلافل هى أكلة شعبية وواحدة من أهم أيقونات الفطار المصري الأصيل، فى كل صباح نجد صوت القلي، مع ريحة الخضرة والتوابل، والطعمية بتتحمر بشكل لذيذ للغاية،لكن تبحث ربة المنزل عن طريقة تحضير الطعمية الهشة المقرمشة فى البيت، بنفس طعم وجودة المحلات، وهذا نتعرف عليه خلال السطور الآتية.
طريقة عمل الطعمية زى المحلات
الطعمية سرها في المكونات الطازجة، حيث نقع الفول بطريقة صحيحة، مع كمية الخضرة ذات نكهة وطراوة لا تقاوم،وتكون جميع المكونات متوفرة في مطبخك.
المكونات:
- ½ كيلو فول مدشوش (منقوع 12 ساعة).
- واحد حزمة شبت.
- واحد حزمة كزبرة خضراء.
- واحد حزمة بقدونس.
- واحد حزمة كرات بلدي.
- 2 بصلة متوسطة.
- 4 فصوص ثوم.
- 1 كوب ماء.
- واحد ملعقة كبيرة كزبرة جافة.
- واحد ملعقة صغيرة كمون.
- واحد ملعقة كبيرة ملح.
- رشة بيكنج بودر.
- سمسم للتزيين.
- زيت غزير للقلي.
خطوات تحضير الطعمية زى المحلات
يتم تحضير الطعمية زى المحلات بشكل سهل وبسيط فقط عليكى اتباع خطوات التحضير التالية:
- نغسل الفول المدشوش كويس جدً، ويترك في المياه من 8 ساعات لـ 12 ساعة.
- ثم نصفيه ونخليه جاهز للطحن.
- نغسل كلا من الشبت، الكزبرة، البقدونس، والكرات و نقطعهم تقطيع خشن.
- ثم في الكبة أو محضرة الطعام، نضيف كلا من البصل، الثوم، والخضرة واطحنيهم كويس.
- نضيف عليهم الفول المنقوع والتوابل (الكمون، الكزبرة الجافة، الملح).
- يتم فرم المكونات مع بعض لحد الحصول على عجينة ناعمة.
- ثم نضيف الماء بشكل تدريجي لحد ما توصلي لقوام طري بس مش سايب، زي قوام عجينة الكيك السميكة شوية.
- نضع البيكنج بودر على العجينة، ونقلب جيدا.
- نسخن الزيت ونقوم بتشكيل الطعمية على شكل أقراص صغيرة، ونرش على الوجه سمسم قبل ما تنزليها في الزيت.
- نقليها على نار متوسطة لحد ما تاخد لون ذهبي من الجانبين، وتوضع على مناديل مطبخ عشان تتصفى من الزيت.
- تقدم مع طبق فول، بطاطس محمرة، بيض مسلوق أو مقلي، وعيش بلدي سخن، وبالهناء والشفا.