جرب وصفة العيد دي.. طريقة عمل حواوشي العيد زي المحلات بالظبط طعم أصيل

مع حلول أيام عيد الأضحى المبارك، تبدأ موائد الأسر العربية في التزين بأشهى وأطيب الوصفات المعتمدة على اللحوم الطازجة، ومن بين هذه الأطباق يبرز طبق الحواوشي المصري كأحد الأكلات التي لا غنى عنها في العيد، ولأن ست البيت دايمًا بتدور على طريقة عمل حواوشي العيد زي المحلات، علشان يبقى بنفس الطعم، والريحة، والقرمشة، جمعنا لكي الطريقة الصحيحة والمتقنة خطوة بخطوة.

المكونات الأساسية لتحضير حواوشي العيد في البيت

قبل ما نبدأ في شرح طريقة عمل حواوشي العيد زي المحلات، يجب تجهيز المكونات المطلوبة بدقة، لأن السر في الطعم بيرجع للخلطة والمقادير المثالية.

أولًا: مكونات الحشو:

• نصف كيلو من اللحم المفروم الطازج.
• بصلة كبيرة مبشورة تصفية منها المياه
• حبة فلفل أخضر مفروم ناعم
• حبة فلفل أحمر أو شطة حسب الرغبة
• 3 فصوص ثوم مهروس
• 2 ملعقة كبيرة بقدونس مفروم
• ملح وفلفل أسود حسب الرغبة
• ملعقة صغيرة بهارات لحمة
• نصف ملعقة صغيرة كمون
• نصف ملعقة صغيرة كزبرة ناشفة
• رشة جوزة الطيب (اختياري لكنها بتدي نكهة رهيبة)
• ملعقة صغيرة بابريكا

ثانيًا: مكونات العجينة أو الخبز:

• يمكن استخدام أرغفة بلدي جاهزة أو تحضير عجينة من:

  • 3 أكواب دقيق

  • ملعقة كبيرة خميرة

  • رشة ملح وسكر

  • ماء دافئ للعجن

ثالثًا: للتسوية والتحمير:

• زبدة أو سمن لدهن الخبز
• ورق زبدة أو قصدير حسب طريقة الطهي
• صينية فرن أو طاسة تيفال (لو هتسويه على النار)

طريقة عمل حواوشي العيد

الآن نبدأ في الشرح المفصل لـ طريقة عمل حواوشي العيد زي المحلات بنفس الطعم:

• في وعاء كبير، اخلطي اللحم المفروم مع البصل والفلفل والثوم والبقدونس والبهارات كلها.
• قلبي المكونات كويس جدًا بإيدك أو بمعلقة خشب لحد ما الخليط يتجانس ويبقى “عجينة” لحم متماسكة.
• غطي الحشو واتركيه في التلاجة لمدة ساعة علشان يتشرب النكهات.
• في وعاء، اخلطي الدقيق مع الخميرة ورشة الملح والسكر.
• أضيفي الماء تدريجيًا واعجني حتى تحصلي على عجينة ناعمة.
• اتركيها تختمر لمدة 45 دقيقة في مكان دافئ.
• لو بتستخدمي العيش البلدي: افتحي الرغيف من الجنب زي الجيب، واحشيه من الخلطة وافرديها بالتساوي.
• لو بتستخدمي عجينة: افردي كرتين من العجين بشكل دائري، ضعي الحشوة في واحدة وغلفيها بالأخرى وأغلقي الأطراف كويس.
• ادهني وش الحواوشي بالسمن أو الزبدة.
• ضعيه في صينية فرن مدهونة، وادخليه فرن ساخن على درجة حرارة 200 مئوية.
• اتركيه حوالي 20-25 دقيقة أو حتى ينضج ويأخذ لون ذهبي لامع.