الفشة بالصلصة في بيتك .. طريقة عمل الفشة بالصلصة أكل أصيل

الفشة بالصلصة من الاكلات المميزة والمفضلة في عيد الاضحى المبارك وكتير من الناس بيحبوها خصوصا اللي بيحبوا تناول فواكه اللحوم، يمكن لكل سيدة ان تعملها في البيت بكل سهولة ومن مكونات بسيطة جدا ومتوفرة، وبالتأكيد بتكون انضف واضمن لما تتعمل في البيت بدل ما تشتريها جاهزة، لذلك العديد من الأمهات بيدوروا على طريقة عمل الفشة بالصلصة في البيت وأهم الطرق الفعالة لتجهيزها، ومن خلال السطور التالية نتعرف على اهم المقادير والخطوات اللي هتساعدك تعمليها بسهولة.

مقادير عمل الفشة بالصلصة في المنزل في العيد

مفيش اسهل من انك تعملي الفشة بالصلصة في البيت، وستجدين أن المكونات والمقادير أغلبها موجود في مطبخك، مش هتحتاجي تشتري حاجات كتير ومش هتتعبي في تحضيرها، ومن أبرز المكونات هي:

فشة مسلوقة ومقطعة قطع مناسبة.

بصل مقطع صغير.

ثوم مفروم.

ملعقة سمنة بلدي او اي نوع تفضليه.

حمص مسلوق اختياري حسب الرغبة.

كوب عصير طماطم.

ملعقة من صلصة الطماطم.

فلفل رومي مقطع صغير.

رشة بهارات.

ملح حسب الذوق.

رشة فلفل اسود.

خطوات وطريقة عمل الفشة بالصلصة في المنزل في العيد

بالتأكيد بعد ما حضرنا المكونات عايزين نبدا في تحضير الفشة بالصلصة والاستمتاع بأفضل طعم، تعالي نشوف الطريقة اللي هنعمل بيها الفشة خطوة بخطوة:

في وعاء على النار، نضع شوية سمنة مع شوية زيت، ونضيف البصل والثوم وقلبيها كويس.

انتظري عليهم شوية لحد ما البصل والثوم ياخدوا لون دهبي بسيط.

ضيفي الفلفل الرومي وقلبي مع البصل والثوم وسيبيها على النار 3 دقائق.

ضيفي قطع الفشة اللي سلقتيها قبل كده، وقلبي كويس علشان تاخذ نكهة بعد التحمير.

ضيفي الحمص وعصير الطماطم ومعاهم شوية من صلصة الطماطم، وقلبي الخليط كله مع بعض.

نترك الخليط يغلي مع بعضه على نار هادية لحد ما الفشة تشرب من الطماطم وتستوي بشكل كويس.

قبل ما نرفعه من على النار، نضيف الملح والفلفل والبهارات ونقلبهم كويس علشان الطعم يتظبط.

الفشة اصبحت جاهزة، قدميها في طبق حلو وهي سخنة، وبالهنا والشفا.