اعزميهم بقلب جامد..قائمة أكلات عيد الأضحى 2025

قائمة أكلات عيد الأضحى المبارك 2025، حيث تبدأ كل ست بيت في التخطيط لتحضير أشهى الأكلات اللي بتزين السفرة وتخلي لمّة العيلة أحلى، ومن بين الأطباق اللي بقت أساسية في العيد، خصوصا بعد مرحلة الذبح، زهي أكلة المبكبكة باللحمة الذي يعد الطبق اللي يجمع ما بين البساطة والطعم اللي ما يتنسيش، تابعوا التفاصيل خلال السطور الآتية.

قائمة أكلات عيد الأضحى المبارك 2025

تأتى على قائمة أكلات عيد الأضحى المبارك المبكبكة أصلها من المطبخ الليبي، لكنها دلوقتي بقت من الأكلات المحببة في بيوت كتير في مصر والعالم العربي، هى عبارة عن مكرونة بتتسلق في صلصة طماطم غنية، مع قطع لحمة طرية، والسر فى التوابل اللي بتخلي الطعم شهى للغاية، وهذه هى الطريقة الأسهل لتحضير المبكبكة في البيت:

المكونات:

• ½ كيلو لحمة (من لحم الأضحية، مقطعة مكعبات صغيرة).
• ½ كيلو مكرونة (أي نوع صغير).
• 1½ كوب عصير طماطم طازج.
• 2 ملعقة كبار صلصة طماطم.
• بصلة كبيرة مقطعة شرائح.
• فص ثوم مهروس.
• واحد قرن فلفل حار (حسب الرغبة).
• 2 ملعقة كبار زيت.
• واحد ملعقة كبيرة زبدة.
• واحد ملعقة صغيرة كاري.
• نصف ملعقة صغيرة زنجبيل بودرة.
• نصف ملعقة صغيرة بهارات مشكلة.
• رشة ملح وفلفل أسود حسب الذوق.
• ماء (حوالي 6 أكواب).
• بقدونس مفروم للتزيين.

طريقة التحضير

• في حلة كبيرة، سخني الزيت مع الزبدة على نار متوسطة.
• ثم ضيفي قطع اللحمة والفلفل الحار، وقلبيهم لحد ما يتغير لونهم.
• ثم نزلي البصل وقلبي لحد ما يذبل، وبعدها ضيفي الثوم وشوحيه شوية.
• ثم صبي عصير الطماطم، وحطّي الصلصة، الكاري، الزنجبيل، والبهارات.
• ثم نقلب الخليط كويس.
• نضيف كمية الماء المناسبة، وغطى الحلة وسيبيه يغلي على نار هادية لحد ما اللحمة تستوي.
• لما اللحمة تبقى طرية، نضيف المكرونة، وملح والفلفل الأسود.
• نغطي الحلة وتترك لحد ما المكرونة تشرب الطماطم وتستوي تمام.
• تقدميها سخنة، وتزين بالبقدونس المفروم بجانبها سلطة خضراء أو زبادي،وبالهنا والشفا.
• يمكن ان تضيفي بطاطس مكعبات صغيرة في المرحلة الأخيرة لو بتحبيها حسب الرغبة.