مانجو طول السنة في التلاجة.. طريقة تخزين المانجو في الفريزر بأسرار الشيفات فريش دائمًا

المانجو واحدة من الفواكه الصيفية اللي ما حدش يقدر يقاوم طعمها، ومع قرب انتهاء الموسم، كتير من ربات البيوت بيدوروا على طريقة تخزين المانجو في الفريزر من غير ما تفقد طعمها أو قوامها علشان كده جمعنا لكم أسرار الشيفات لتفريز المانجو بشكل يخليها دايما جاهزة للعصير، الحلويات، أو حتى الأكل مباشرة، خلال السطور الآتية. 

تخزين المانجو في الفريزر

قبل ما نبدأ ثم جهزي الأدوات دي علشان العملية تمشي بسلاسة فيما يلي:

• مانجو طازجة وناضجة.
• سكينة حادة.
• صينية واسعة أو طبق مسطح.
• ورق زبدة أو أكياس بلاستيك.
• أكياس تفريز أو علب محكمة الغلق.
• قلم لكتابة التاريخ.

الطريقة الأولى تخزين المانجو كمكعبات أو شرائح

دي الطريقة المثالية لو بتحبي تستخدمي المانجو بسرعة وسهولة في العصائر والمثلجات، حيث الخطوات:

• اغسلي المانجو كويس تحت الماء الجاري، ونشفيها.
• قشري كل ثمرة وقطعيها إلى مكعبات أو شرائح حسب رغبتك.
• افردي القطع على صينية مغطاة بورق زبدة.
• دخلي الصينية الفريزر لمدة 2-3 ساعات لحد ما القطع تتجمد.
• بعد ما تتجمد شيليها من الصينية، وحطيها في اكياس للتفريز.
• فرغي الهواء كويس من الكيس قبل ما تقفليه، واكتبي عليه التاريخ.
• بتعيش في الفريزر من 6 الى 8 شهور، وبتكون جاهزة على طول للاستخدام.

الطريقة الثانية تفريز المانجو كاملة بالقشر

لو حابة تحتفظي بالمانجو بشكلها الكامل وتستخدميها وقت ما تحبي، جربي الطريقة دي، والخطوات:

• اختاري مانجو ناضجة وبدون أي عيوب في القشرة.
• نقعيها في ماء بارد لمدة 10 دقايق، واغسليها كويس.
• نشفيها بمنشفة قطنية.
• حطي كل ثمرة في كيس تفريز منفصل، وتأكدي إنك تفرغي الهوا قبل الغلق.
• نرص الأكياس في الفريزر بعيد عن فواكه زي التفاح والموز (علشان ما تفرزش غازات تأثر على الطعم).
• بالشكل ده المانجو سوف تفضل سليمة لمدة سنة كاملة.

نصائح مهمة لنجاح التخزين

• اختاري المانجو اللي قشرتها ناعمة ومشدودة.
• اتأكدي إن مكان التخزين جاف وبارد.
• دائما اكتبي التاريخ على الأكياس علشان تتابعي صلاحية الاستخدام.