القشطوطة.. حلوى مصرية هتدوخك من حلاوتها! وصفة سهلة ومش مكلفة

لو بتحبي الحلويات الشرقية يبقى لازم تجربي القشطوطة، حلوى مصرية قديمة بطعم غني وقوام كريمي يذوب في الفم، الوصفة دي سهلة جدا ومش مكلفة ومكوناتها موجودة في كل بيت ومش هتاخد منك وقت خالص، جربيها وهتعيشي تجربة طعم ولا أروع.

مكونات القشطوطة

• 2 كوب حليب كامل الدسم.
• 4 ملاعق كبيرة نشا الذرة.
• ½ كوب سكر.
• 1 ملعقة صغيرة فانيليا.
• ½ كوب قشطة بلدي أو كريمة طازجة.
• ½ كوب جوز هند مبشور اختياري لإضافة نكهة مميزة.

للتزيين

• عسل نحل أو شربات خفيف
• مكسرات مجروشة فستق أو لوز أو بندق.

طريقة تحضير القشطوطة

• في وعاء ضعي الحليب والنشا وقلبيهم كويس لحد ما يذوب النشا تماما.
• أضيفي السكر والفانيليا وضعي الخليط على نار متوسطة مع التقليب المستمر.
• بمجرد ما يبدأ الخليط يثقل أضيفي القشطة أو الكريمة الطازجة وقلبي كويس لحد ما يبقى عندك كريمة ناعمة وسميكة.
• أضيفي جوز الهند المبشور لو بتحبيه وقلبي الخليط ثم ارفعيه من على النار.

صب القشطوطة وتقديمها

• صبي الخليط في صينية مدهونة بالزبدة أو الزيت وساوي السطح.
• اتركيها تبرد لمدة 30 دقيقة في الثلاجة عشان تتمسك كويس.
• بعد ما تتماسك قطعيها لمربعات أو أي شكل تحبيه.
• قدميها مع عسل نحل أو شربات خفيف وزينيها بالمكسرات المجروشة.

أسرار نجاح القشطوطة

• استخدمي حليب كامل الدسم عشان القوام يكون كريمي وغني.
• استمري في التقليب على النار عشان النشا ميكلكعش معاك.
• لو عايزة طعم أقوى ممكن تضيفي معلقة صغيرة من ماء الزهر أو ماء الورد.
• لو مش بتحبيها طرية ممكن تسيبيها أكتر في التلاجة لحد ما تتماسك تماما.

طريقة التقديم والتخزين

• قدميها باردة مع شاي بالنعناع أو قهوة تركي لمذاق رائع.
• احفظيها في الثلاجة لمدة 3-4 أيام في علبة محكمة الغلق عشان تفضل طرية وكريمية.
• ممكن تعملي منها حلوى رمضانية فاخرة وتقدميها لضيوفك.

وصفة القشطوطة المصرية دي هتدوخك من حلاوتها، جربيها النهاردة وهتشوفي قد إيه سهلة ومش مكلفة لكن طعمها فاخر ومميز، لو جربتيها وشاركينا رأيك ولو عندك إضافة أو فكرة جديدة، اكتبيلنا في التعليقات.