لو مستعجلة وعايزة حاجة سريعة ولذيذة مع الشاي أو القهوة يبقى وصفة بسكويت العشر دقائق هتبقى الحل السحري ليك مكوناته بسيطة جدا مش محتاج عجن طويل وكمان مش بيحتاج تخمير ولا وقت في التبريد، في 10 دقايق بس هتكوني محضرة بسكويت هش ومقرمش وطعمه خيالي وكأنه من المخبز.
مكونات بسكويت العشر دقائق
- 1 كوب دقيق منخول 125 جرام.
- ½ كوب سكر بودرة أو سكر ناعم الحبيبات.
- ½ كوب زبدة طرية أو زيت نباتي حسب المتاح.
- 1 بيضة.
- 1 ملعقة صغيرة فانيليا سائلة.
- ½ ملعقة صغيرة بيكنج بودر.
- رشة ملح.
للتزيين اختياري
- شيكولاتة مذابة أو سكر بودرة.
- مربى، مكسرات أو قطع شيكولاتة.
طريقة تحضير بسكويت العشر دقائق
تحضير العجينة في دقيقتين
- في وعاء عميق اخلطي الزبدة مع السكر البودرة كويس لحد ما يبقى القوام كريمي.
- أضيفي البيضة والفانيليا واخلطيهم كويس لحد ما يمتزجوا مع الزبدة والسكر.
- أضيفي الدقيق والبيكنج بودر ورشة الملح وابدئي في العجن لحد ما تتكون عجينة ناعمة ومتماسكة.
- لو العجينة طرية جدا ممكن تضيفي ملعقة صغيرة دقيق، ولو ناشفة زودي نقطة حليب.
تشكيل البسكويت في 3 دقائق
- سخني الفرن على درجة حرارة 180 مئوية وجهزي صينية فرن مبطنة بورق زبدة.
- قسمي العجينة لكرات صغيرة أو افرديها وقطعيها بأي شكل تحبيه.
- لو عايزة تضيفي مربى أو شيكولاتة اعملي حفرة صغيرة في المنتصف وضيفي الحشوة.
- رصي البسكويت في الصينية مع ترك مسافة بين كل قطعة والتانية.
خبز البسكويت في 5 دقائق
- ادخلي الصينية الفرن المسخن مسبقا واتركي البسكويت يخبز لمدة 7-10 دقائق فقط.
- بمجرد ما الأطراف تاخد لون ذهبي خفيف طلعيه فورا واتركيه يبرد تماما على رف شبكي.
- بعد ما يبرد زينيه بالشيكولاتة المذابة أو رشة سكر بودرة وقدميه.
أسرار نجاح بسكويت العشر دقائق
- استخدمي زبدة طرية مش سايحة ولا متماسكة عشان القوام يكون هش ومقرمش.
- لو بتحبي البسكويت أكتر قرمشة استبدلي نصف كمية الدقيق بنشا.
- راقبي الفرن كويس لأن البسكويت بيستوي بسرعة جدا.
- اتركيه يبرد تماما قبل التقديم لأنه بيكمل تماسكه بعد الخبز.
- لإضافة نكهة مختلفة ممكن تضيفي بشر برتقال أو قرفة للعجينة.
طريقة التقديم والتخزين
- قدميه مع شاي بالنعناع أو قهوة ساخنة لمذاق ولا أروع.
- احفظيه في علبة محكمة الغلق لمدة أسبوعين كاملين وهيفضل مقرمش وطازج.
- ممكن تعمليه هدية مغلفة بشكل جميل وتقدميه للأهل والأصدقاء في المناسبات.